Кватэры ў Мінску патаннелі за красавік на $33 за метр 

Сярэдняя цана прададзеных кватэр у Мінску знізілася на 2,4% і склала па выніках красавіка 1354 $/м^2, піша realt.by. Гэта вельмі істотная карэкцыя для аднаго месяца — максімальная за апошнія 4 гады. Калі ўзяць 1- і 2-пакаёвыя кватэры, то тэмпы падзення цэнаў на іх увогуле адпавядалі горшым месяцам 2015—2016 гадоў.

У залежнасці ад колькасці пакояў сітуацыя была наступнай (+медыянны абсалютны кошт):

• 1-пакаёвыя кватэры: 1439 $/м² (-4,8% за месяц) — $49 050;
• 2-пакаёвыя кватэры: 1296 $/м² (-4,3%) — $61 200;
• 3-пакаёвыя кватэры: 1267 $/м² (+1,6%) — $86 100;
• 4-пакаёвыя кватэры: 1198 $/м² (-2,0%) — $94 600.

Цікава, што колькасць угодаў знізілася ўдвая ў параўнанні з сакавіком (603 продажы ў красавіку супраць 1241 продажу ў сакавіку), хаця колькасць прапаноў вырасла (+516). 

Каментары да артыкула