Цэны на газ у Расіі аказаліся вышэйшыя за еўрапейскія
Падзенне цэн на газ у Еўропе прывяло да таго, што яго кошт у Расіі стаў вышэйшы, чым для еўрапейскіх спажыўцоў. Такія суадносіны ўзнікаюць нават з улікам кошту транспарціроўкі і экспартнай пошліны 30%, паведамляе РБК.
Цэны на найбуйнейшым у Еўропе нідэрландскім хабе TTF у сераду, 20 мая, упалі да 46-47 даляраў за тысячу кубаметраў, хоць яшчэ ў канцы сакавіка знаходзіліся на ўзроўні 80 даляраў.
У Смаленскай і Ленінградскай абласцях кошт газу знаходзіцца ў раёне 60 даляраў за тысячу кубаметраў, хоць у месцах здабычы кошт істотна ніжэйшы.