У Венгрыі забаранілі мяняць пол у дакументах
Парламент Венгрыі прыняў законапраект аб адмене юрыдычнага прызнання трансгендарных людзей, паведамляе The Guardian.
Законапраект быў прапанаваны кіруючай партыяй прэм'ер-міністра Віктара Орбана Фідэс. Закон забараняе трансгендарным мужчынам і жанчынам змяняць пол у пасведчаннях аб нараджэнні і іншых пасведчаннях асобы. У гэтых дакументах будзе пазначацца «пол пры нараджэнні».
Праваабаронцы рэзка раскрытыкавалі рашэнне венгерскага парламента, падкрэсліўшы, што новыя правілы справакуюць хвалю дыскрымінацыі ў венгерскім грамадстве.