Лукашэнка — Бабарыку: Усё, што скраў, вярні народу. Можа, суд гэта ўлічыць
Пра гэта кіраўнік краіны заявіў сёння ў Полацку, каментуючы сітуацыю вакол Белгазпрамбанка і Віктара Бабарыкі, які заявіў пра ўдзел у выбарах, піша БелТА.
Лукашэнка сказаў, што папрасіў аднаго з членаў урада сказаць Бабарыку [БелТА прозвішча банкіра не называе]:
«Праўда і толькі праўда! Другое — усё, што скраў, вярні народу. Можа быць, суд гэта ўлічыць». «А старшыні КДК, які займаецца гэтым пытаннем, я даручыў, каб ён народу ўсё выклаў, распавёў, што ёсць. Каб яны не думалі, што тут ідзе нейкі штучны накат. Нам ён не патрэбны», — рэзюмаваў Лукашэнка.