На Краснай плошчы ў Маскве актывісты выклалі целамі год заканчэння паўнамоцтваў Пуціна ВІДЭА
«Дождь»
У Маскве актывісты, якія зладзілі на Краснай плошчы акцыю «2036», выклаўшы сваімі целамі гэтыя лічбы на бруку. Пра гэта паведамляе тэлеканал «Дождь».
У акцыі ўзялі ўдзел восем чалавек: муніцыпальныя дэпутаты Басманнага раёна Масквы Люся Штэйн і Віктар Котаў, удзельнікі Pussy Riot Аляксандр Сафееў, Ніка Нікульшына, актывісты Марыя Бязверхая, Гоша Кажэўнікаў, Ліза Самойлава і Марыя Цімафеева.
Затрыманых даставілі ў паліцыю, дзе супраць іх ужылі сілу, але затым адпусцілі.
1 ліпеня праходзіць галасаванне па папраўках да Канстытуцыі, адна з якіх абнуляе прэзідэнцкія тэрміны Уладзіміра Пуціна. У выпадку ўхвалення паправак прэзідэнт зможа пераабрацца на сваю пасаду і застацца ва ўладзе да 2036 года.