Віцэ-спікер расійскай Думы назваў Лукашэнку нахлебнікам і паразітам
Аляксандр Лукашэнка стаў нахлебнікам і практычна паразітам на руска-беларускіх адносінах. Пра гэта заявіў радыёстанцыі «Говорит Москва» першы намеснік старшыні Дзярждумы па справах СНД, еўразійскай інтэграцыі і сувязях з суайчыннікамі Канстанцін Затулін.
Такім чынам парламентарый пракаментаваў рэакцыю Лукашэнкі на затрыманне расейцаў. Паводле яго слоў, арышт звязаны з жаданнем беларускіх уладаў праілюстраваць свае заявы аб замежнай пагрозе і спробе дэстабілізаваць сітуацыю ў краіне.
«Гэта абсалютна кан'юнктурнае дзеянне азначае, што Лукашэнка рызыкнуў адносінамі з Расеяй дзеля сваіх уласных інтарэсаў, каб навязаць зноў сябе ў якасці прэзідэнта, калі краіна прыйшла ў пратэстны рух», — сказаў Затулін.