На Партызанскім праспекце ў Мінску пад раніцу збілі чалавека, ён загінуў
Як паведамляе Мінская ДАІ, няшчасны выпадак адбыўся каля 05:50. Кіроўца аўтамабіля «Нісан» рухаўся ў 3 паласе па Партызанскім праспекце ў Мінску ў напрамку плошчы Ванеева і каля дома нумар 32/1 наехаў на мужчыну, які перасякаў праезную частку па-за пешаходным пераходам злева направа па ходзе руху аўтамабіля.
У выніку наезду мужчына памёр на месцы. Яго асоба высвятляецца.