Мужчына забраў заплечнік хлопца, які зняў чырвона-зялёны сцяг з аўтавакзала. Пачалася бойка ВІДЭА
Несупадзенне палітычных поглядаў прывяло да бойкі каля аўтавакзала «Цэнтральны» ў Мінску.
19-гадовы жыхар Узды вырашыў зняць з будынка чырвона-зялёны сцяг. Паставіў на зямлю свой заплечнік і палез да сцяга.
Гэта не спадабалася 61-гадоваму мужчыну, які праходзіў міма. Спачатку ён спрабаваў адабраць сцяг — не атрымалася. Тады ён схапіў заплечнік хлопца і запатрабаваў аддаць яму сцяг.
Хлопец адмовіўся ад здзелкі: ударыў мужчыну, забраў заплечнік і сышоў са сцягам.
Завялі крымінальную справу за «асабліва злоснае хуліганства».
МУС апублікавала відэа допыту, але застаецца пытанне: чаму хлопец аголены?