На праспекце Незалежнасці адбыліся затрыманні студэнтаў — удзельнікаў Маршу маладосці
Каля 150 студэнтаў рушылі ад Лінгвістычнага ўніверсітэта на праспект, каб далучыцца да калоны Жаночага маршу. Яны скандавалі: «Саша, ты адлічаны!»
Паблізу Палаца мастацтваў натоўп студэнтаў перастрэлі сілавікі ў мікрааўтобусах. Удзельнікі акцыі пабеглі ў двары, адбыліся затрыманні. Паведамляецца, што затрымана каля 10 чалавек, у тым ліку фотакарэспандэнт БелаПАН Вадзім Заміроўскі і журналістка Onliner Дар'я Спевак.