Падчас пратэсту ў Гродне школьнік шпурнуў камень у АМАП. На яго завялі крымінальную справу
Здарэнне адбылося 13 верасня падчас акцыі пратэсту.
«Каля будынка райвыканкама праваахоўнікі затрымлівалі агрэсіўна настроеных удзельнікаў несанкцыянаванай акцыі. У адказ на дзеянні міліцыянтаў у іх паляцелі бутэлькі і камяні», — паведамляе МУС.
Пратэсты міліцыя здымала на відэа. Па запісах выявілі аднаго з удзельнікаў — 16-гадовага вучня 10-га класа. На фрагменце запісу, апублікаваным міліцыяй, бачны адзін кідок, зроблены чалавекам у чырвонай кофце.
У дачыненні да школьніка распачалі крымінальную справу за гвалт у дачыненні да супрацоўніка органаў унутраных спраў. Хлопчык раней не прыцягваўся да адказнасці.