Філосаф Вольга Шпарага з'ехала ў Вільню пасля паведамлення пра чарговы арышт
Вольга Шпарага. Фота Дар'і Лабанавай
Філосаф Вольга Шпарага, сябра Каардынацыйнай рады, атрымала паведамленне пра чарговы арышт на 12 сутак. 24 кастрычніка Шпарага вызвалілася пасля адбыцця 15-суткавага арышту з турмы ў Жодзіне. Яе асудзілі па артыкуле 23.34 за ўдзел у несанкцыянаваным масавым мерапрыемстве.
Адразу пасля вызвалення Вольга прыняла рашэнне пакінуць краіну. Цяпер яна ў Вільні, піша Радыё Свабода.