У Мінску падарвалі «Табакерку»
Невядомыя з дапамогай піратэхнічнага выраба пашкодзілі кіёск «Табакерка» на Старавіленскім тракце, паведамілі ў Следчым камітэце.
Па папярэдніх даных, уначы 26 кастрычніка зламыснікі ўсталявалі пад кіёскам піратэхнічны выраб — адбыўся выбух.
Распачалі крымінальную справу па арт. 14 ч. 2 арт. 218 («Замах на наўмыснае пашкоджанне маёмасці, здзейснены агульнанебяспечным спосабам»).