Карпянкоў: Бандыты не падтрымліваюць пратэстоўцаў
Падчас аднаго з нядзельных маршаў Мікалай Карпянкоў асабіста пабіў вітрыну кавярні, у якой замкнуліся пратэстоўцы. Фота tut.by
Кіраўнік ГУБАЗіКа Мікалай Карпянкоў у «СБ. Беларусь сегодня» назваў пратэстоўцаў «экстрэмістамі».
«Прадстаўнікі класічнага крыміналітэту цяпер не проста трымаюць нейкі нейтралітэт. Яны нават больш законапаслухмяны лад жыцця вядуць на фоне экстрэмістаў з апазіцыі, — сцвярджаў Карпянкоў. — Бандыты… тое, што адбываецца цяпер на вуліцах, не падтрымліваюць».
Таксама Карпянкоў распавёў пра сённяшнія прынцыпы працы ўзначаленай ім структуры.
«Самае галоўнае ў нашым упраўленні — гэта высокаматываваны, адданы краіне і Прэзідэнту асабовы склад…
Мы цяпер, напрыклад, адказваючы за адзін раён Мінска, выязджаем, працуем там з вонкавай службай, спецназам. І літаральна за 2-3 гадзіны нашы аператыўнікі наводзяць там поўны парадак. Затрымліваем усіх, хто спрабуе здзейсніць экстрэмісцкія дзеянні».