Праваабаронцы: падчас маршаў 6 снежня затрымалі больш за 300 чалавек СПІС
У нядзелю ў Беларусі прайшлі Маршы волі. У вялікіх гарадах дэманстранты выйшлі на вуліцы ў сваіх мікрараёнах, не фармуючы адзінай калоны. Мабільныя групы сілавікоў на мікрааўтобусах курсіравалі каля патэнцыйных месцаў збору і прэвентыўна хапалі людзей на вуліцах. У такіх умовах большасць маршаў прайшла ў дваровых зонах.
На гэты момант праваабаронцам вядома 315 прозвішчаў затрыманых. Сярод іх — і 79-гадовая пенсіянерка, і журналісты, і 13-гадовая гімназістка.