66-гадовы мужчына паслізнуўся на мосце, упаў у раку і патануў
Трагедыя адбылася 9 снежня ў вёсцы Вічын Лунінецкага раёна, піша БелТА.
66-гадовы мясцовы жыхар разам з жонкай вярталіся з памінак па мосце праз раку Цна. Мост не абсталяваны парэнчамі.
У нейкі момант мужчына паслізнуўся і ўпаў у раку. Практычна на вачах у спадарожніцы ён сышоў пад ваду: у гэтых месцах моцная плынь, а глыбіня дасягае 3 м.
Жанчына паклікала на дапамогу аднавяскоўцаў, аднак выратаваць мужчыну не ўдалося.
Яго цела дасталі за 30 м ад месца падзення.