«Ух ты, з другога разу»: як Лукашэнка адгадваў імя дзяўчынкі на навагодняй ёлцы ВІДЭА
Сёння ў Палацы Рэспублікі праходзіць традыцыйнае дабрачыннае навагодняе свята для дзяцей, у якім бярэ ўдзел і Аляксандр Лукашэнка.
Ён падчас выступу перад дзецьмі адзначыў, што людзі, якія дораць сваю дабрыню і цеплыню тым, хто мае ў гэтым патрэбу, сталі ўзорам беларускай нацыі, а дзяржава робіць усё, каб дзеці жылі ў прыгожай і бяспечнай краіне.
Затым Лукашэнка спусціўся ў залу і падсеў да дзяўчынкі ў першым шэрагу. Ён паспрабаваў адгадаць яе імя. «Напэўна, Крысціна?» — «Не». «Не? Тады Сафія?» — «Так». — «Ух ты, з другога разу».
Відэа размясціў у сваім тэлеграм-канале Пул першага.