Матагоншчык устаў на байку перад фінішам — святкаваў перамогу. Двое супернікаў тут жа яго абагналі ВІДЭА
Абсалютна неверагодная гісторыя адбылася з новым чэмпіёнам бразільскага Супербайка ў катэгорыі Evo 1000cc Андрэ Верысіма
На апошнім этапе сезона на аўтадроме імя Айртана Сены ён лідзіраваў у апошнім павароце і збіраўся стыльна адзначыць тытул — але крыху не разлічыў дыстанцыю.
У выніку набранай на разгоне хуткасці не хапіла, і хлопца чакаў неверагодны канфуз. Яго абагналі два гоншчыкі.
«Я ўжо святкаваў з маёй камандай, калі яны пачалі мяне даганяць, — распавёў пасля гонкі райдар. - Байк гнаў на трэцяй перадачы і ехаў вельмі павольна. Нібы мёртвы. І яны мяне абышлі».
У выніку Верысіма класіфікавалі трэцім — і набраных ачкоў хапіла для заваёвы тытула ў сваёй катэгорыі. Так што за шокам паследавала хваля самаіроніі.
«Падобна да таго, што я буду мемам», — пасмяяўся Андрэ. — Я дурань».
А затым райдар нават выклаў у інстаграме ролік, дзе пераглядае фініш — і шчыра смяецца з сябе.