Новы пасол ЗША ў Беларусі сустрэлася з Латушкам

Прызначаная пасол ЗША ў Мінску Джулі Фішэр сустрэлася ў Варшаве з кіраўніком Нацыянальнага антыкрызіснага кіравання Паўлам Латушкам, «каб даведацца аб важнай працы», якая праводзіцца НАК, паведаміла пасольства ЗША ў Беларусі.

Фішэр і Латушка абмеркавалі «мноства тэм, уключна з падтрымкай Беларусі Злучанымі Штатамі, а таксама Акт аб дэмакратыі ў Беларусі».

In Warsaw, Ambassador-Designate to Belarus Fisher also met Pavel Latushka @PavelLatushka to learn about the important work being done by the NAU. They discussed a variety of topics including U.S. support for Belarus and the Belarus Democracy Act. pic.twitter.com/UK41ZtoJGf

— U.S. Embassy Minsk (@USEmbBy) February 3, 2021

Таксама Фішэр абмеркавала сітуацыю ў Беларусі з намеснікам кіраўніка польскага МЗС Марцінам Пшыдачам.

Як паведамлялася раней, Джулі Фішэр 1—8 лютага наведае некалькі еўрапейскіх сталіц, сустрэнецца з партнёрамі ўрадаў, навуковых колаў і грамадзянскай супольнасці для абмеркавання сумеснай працы дзеля падтрымкі беларускага народа па захаванні суверэнітэту і незалежнасці, умацавання дэмакратыі і павышэння дабрабыту.

Каментары да артыкула