У Гомелі мужчыну за фатаграфію з партыйным сцягам каля елкі аштрафавалі на 580 рублёў
Гамельчука Вадзіма Васільева асудзілі за фатаграфію з партыйным сцягам ля елкі, паведамляе тэлеграм-канал «Гомельская вясна».
Мужчына — сябра Беларускай сацыял-дэмакратычнай партыі. 1 студзеня ён з аднапартыйцамі сфатаграфаваўся са сцягам БСДП каля елкі. За гэта на яго склалі адміністрацыйны пратакол.
Суд прызнаў гамяльчаніна вінаватым і прызначыў яму штраф у 20 базавых велічынь — 580 рублёў.