«Я некалькі месяцаў жыву ў іншай краіне»: Раман Пратасевіч адрэагаваў на запыт уладаў аб экстрадыцыі з Польшчы
Аўтары тэлеграм-каналаў, унесеных у экстрэмісцкі спіс, адрэагавалі на запыт афіцыйнага Мінска да ўладаў Польшчы выдаць іх.
Раман Пратасевіч. Фота Радыё Свабода
Сцяпан Пуціла заявіў, што Следчы камітэт не расследуе сотні спраў пра катаванні і гвалт, але патрабуе ад іншай краіны «выдаць таго, каго па азначэнні выдаць не могуць», піша Радыё Свабода.
Раман Пратасевіч у сваім твітары напісаў, што, пабачыўшы навіну пра патрабаванне да Польшчы выдаць яго, засмяяўся.
«Дарагія спецслужбы, я ўжо амаль пяць месяцаў жыву ў іншай краіне. Так што адпраўляйце свае паперкі каму заўгодна і колькі заўгодна далей».