Генпракуратура накіравала ў Расію запыт аб выдачы Аляксея Кудзіна
Генпракуратура Беларусі накіравала на адрас Генпракуратуры Расіі просьбу аб выдачы байца ММА Аляксея Кудзіна для прыцягнення да крымінальнай адказнасці, паведамляе Рэгіянальная газета.
Фота Настассі Уткінай
Крымінальная справа па абвінавачванні Кудзіна па частцы 2 артыкула 363 КК Рэспублікі Беларусь знаходзіцца ў вытворчасці суда Маладзечанскага раёна. Яму інкрымінавана «супраціўленне супрацоўніку органаў унутраных спраў і іншай асобе пры выкананні імі абавязкаў па ахове грамадскага парадку, спалучаны з ужываннем гвалту».
Кудзін не з’явіўся ў судовае пасяджэнне ў Маладзечне і быў аб’яўлены судом у вышук. 21 студзеня яго затрымалі ў Расіі.