У Польшчы запрацавала інфармацыйная сетка Belarusam.pl для дапамогі эмігрантам
18 лютага запускаецца новая інфармацыйная сетка і пляцоўка збору сродкаў для беларусаў, якія з прычыны рэпрэсій выехалі з краіны.
Ініцыятыву заснавалі прадстаўнікі кампаніі BY_Help, якія жывуць у Польшчы: Аляксей Лявончык і Аляксандр Лапко. Пра гэта паведамляецца на фэйсбук-старонцы ініцыятывы, піша «Радыё Свабода».
Мэта новай ініцыятывы — дапамагчы тым, хто пераехаў у Польшчу, атрымаць своечасовую інфармацыю і падтрымку.
Сетка абяцае дапамогу для тых, хто апынуўся ў складанай матэрыяльнай або псіхалагічнай сітуацыі.