Майк Пампеа заявіў пра магчымы ўдзел у выбарах 2024 года
Былы дзяржсакратар ЗША Майк Пампеа заявіў пра магчымасць свайго ўдзелу ў прэзідэнцкіх выбарах у 2024 годзе. Пра гэта ён распавёў у інтэрв'ю Fox News.
Пампеа ў лютым 2020 года прыязджаў у Мінск. Фота БелТА
Пампеа адзначыў, што, калі былы кіраўнік дзяржавы Дональд Трамп не будзе выстаўляць сваю кандыдатуру, то ён сам разгледзіць магчымасць балатавацца ў прэзідэнты.
«Я заўсёды быў гатовы да барацьбы. Я клапачуся пра Амерыку», — падкрэсліў былы кіраўнік Дзярждэпа.