Шматпавярховік у Новай Баравой памецілі чырвона-зялёным сцягам
У Новай Баравой на даху аднаго з дамоў усталявалі вялікі чырвона-зялёны сцяг. Гаворка ідзе аб шматпавярховіку па адрасе: Нябесная, 1/2. Пра сітуацыю Tut.by паведамілі мясцовыя жыхары.
4 сакавіка да дома ў Новай Баравой прыехалі сілавікі, пішуць мясцовыя жыхары.
«У чаце з'явілася інфармацыя, што ў старшыні таварыства ўласнікаў запатрабавалі прымусовы доступ на дах. Ніякіх дакументаў не далі, супрацоўнікаў абслугоўваючай кампаніі на месца не пусцілі», — распавядаюць суразмоўцы.
На ўдакладняючае пытанне чытачы адказваюць: не, бел-чырвона-белага сцяга на даху не было.
У эксплуатуючай кампаніі «А-100 камфорт» распавялі, што ў курсе сітуацыі. «Ніякіх зваротаў аб прадастаўленні доступу да нас не паступала».