На поўначы Расіі лавіна накрыла турыстаў — загінула дзяўчынка
Лавіна сышла ў Мурманскай вобласці РФ у раёне Аленягорска. У месцы сходу лавіны магла знаходзіцца турыстычная група з 15 чалавек, паведамілі ТАСС мясцовыя ўлады.
Дзяўчынка, якая апынулася пад снегам у выніку сходу лавіны ў Мурманскай вобласці, загінула, нягледзячы на намаганні па рэанімацыі, паведамілі ТАСС у прэс-службе СК па рэгіёне.
Надзвычайнае здарэнне адбылося за 5 км ад станцыі Імандра Мурманскай вобласці, дзе праходзяць лыжныя маршруты. Паводле даных крыніцы, турысты заявілі адзін маршрут, але пайшлі па іншым.