Пры ўездзе ва Украіну цяпер патрабуецца адмоўны тэст
Кабінет міністраў зрабіў больш жорсткімі правілы ўезду ва Украіну. Цяпер абавязковым будзе наяўнасць ПЛР-тэсту на каранавірус, паведамляе РБК-Украіна.
Фота Дзяржаўнай памежнай службы
Пра гэта на брыфінгу заявіў міністр аховы здароўя Максім Сцяпанаў.
«Нягледзячы на тое, з якой краіны прыбывае грамадзянін, усе павінны будуць падаць даведку аб правядзенні тэставання метадам ПЛР не пазней за 48 гадзін. З адмоўным вынікам гэтага тэсту», — паведаміў Сцяпанаў.
У выпадку адсутнасці тэсту або станоўчага выніку людзі абавязаны прайсці самаізаляцыю.