Шматдзетнага бацьку арыштавалі на 30 сутак за БЧБ-стужку на антэне арандаванага аўтамабіля
Сёння каля 7:30 раніцы быў затрыманы Дзяніс Букаткін. Прычына — адна БЧБ-стужка на машыне.
У Фрунзенскім РУУСе на мужчыну склалі пратакол па ч. 3 арт. 24.23 КаАП за «пікетаванне шляхам размяшчэння на антэне аўтамабіля БЧБ-стужкі», паведамляе spring96.org.
На судзе Дзяніс растлумачыў, што гэты аўтамабіль ён даўно ўзяў у арэнду для працы. Стужку з антэны не здымаў, бо яна яму не замінала.
Суддзя Марыя Ярохіна палічыла, што па адным пратаколе для бацькі траіх дзяцей пакараннем будзе арышт 30 сутак.