Пад Навагрудкам аднагадовае дзіця патанула ў бочцы з вадой
Жудасная трагедыя адбылася сёння ў вёсцы Вуглы Навагрудскага раёна, паведамляе БТ-4 Гродна. Хлопчык узростам 1 год 4 месяцы каля дома патануў у бочцы з вадой. Глыбіні 30 см аказалася дастаткова для таго, каб дзіця загінула. Выкліканыя на месца здарэння медыкі ўжо нічым не змаглі дапамагчы, толькі канстатавалі смерць дзіцяці. Асвод заклікае бацькоў быць пільнымі і не пакідаць дзяцей без нагляду.