Вайскоўцы сталі аднаўляць дом пад Асіповічамі, куды ўрэзалася ракетная ўстаноўка
Аднаўленнем жылога дома ў вёсцы Маісеевічы займаюцца спецыялісты асобнай чыгуначнай брыгады. Сёння на месцы працуюць мантажнікі і цесляры, паведамляе Мінабароны ў сваім тэлеграм-канале.
Фота Мінабароны
Фота Мінабароны
Здарэнне адбылося раніцай 5 красавіка. У вясковы дом урэзалася самаходная ракетная ўстаноўка.
Паводле звестак Міністэрства абароны, ДТЗ адбылося падчас маршу ракетнага дывізіёна адной з вайсковых частак на палігон Гожскі. Салдат не справіўся з кіраваннем на крутым павароце.