Мінздароўя ўхваліла вакцыну Спутнік V, вырабленую ў Беларусі
Вакцына Спутнік V (Гам Ковід Вак), разліў якой праводзіўся на РУП «Белмедпрэпараты», ухваленая Міністэрствам аховы здароўя, паведамляе прэс-служба ведамства.
Рашэнне прынятае па выніках экспертызы, праведзенай спецыялістамі УП ЦЭІЗ, РНПЦ мікрабіялогіі і эпідэміялогіі.
Паўпрадукт вакцыны вырабляецца АТ «Генерыум», якая ўваходзіць у структуру АТ «Фармстандарт». Раней вакцына Спутнік V, вырабленая на гэтай расійскай пляцоўцы, ужо была зарэгістраваная ў Беларусі і ўжо на працягу некалькіх месяцаў выкарыстоўваецца для вакцынацыі медыцынскіх работнікаў.
Кантроль якасці ажыццяўляўся цэнтрам імя Гамалеі сумесна з РУП «Белмедпрэпараты». Плануецца, што аб'ём вакцыны, якая выпускаецца на беларускім прадпрыемстве, складзе да 500 тыс. доз штомесяц.