Палітвязень, які бараніў дзяўчыну ад амапаўца, ажаніўся ў турме
Але не з той дзяўчынай.
Валерыя, яе сябры і сваякі / instagram.com/ermashukvadimati
Яшчэ адзін шлюб з палітвязнем, на гэты раз у Гродне, піша Еўрарадыё. 43-гадовы прадпрымальнік Міхаіл Юдзін у сакавіку 2021-га атрымаў 4 гады калоніі агульнага рэжыму за тое, што восенню мінулага года падчас акцыі пратэсту спрабаваў адбіць дзяўчыну ў амапаўца.
Дома яго чакаюць двое дзяцей і жонка Валерыя (яны жылі разам 15 гадоў, але не афармлялі адносіны). З-за адсутнасці штампа ў пашпарце яна не мела права на спатканні і перадачы. Тады Міхаіл і Валерыя афіцыйна ўзялі шлюб. Цырымонія прайшла 5 мая. Павіншаваць Валерыю да турмы прыйшлі сваякі і сябры.