Сіноптыкі: 8 мая — да + 12, месцамі дажджы
8 мая ў Беларусі чакаецца воблачнае з праясненнямі надвор'е, паведамляе Белгідрамет.
Месцамі невялікія кароткачасовыя дажджы. Раніцай у асобных раёнах слабы туман.
Вецер паўночна-заходні ўмераны да парывістага, па ўсходзе месцамі моцны парывісты. Максімальная тэмпература паветра +7..+12°С.
Сёння ў Мінску: месцамі па горадзе магчымы невялікі кароткачасовы дождж (верагоднасць ападкаў 30-40%). Вецер паўночна-заходні ўмераны да парывістага. Раніцай тэмпература паветра +3..+5°С, днём +8..+10°С, увечары +5..+7°С.