Падлетак на электрасамакаце трапіў пад колы Hyundai на пешаходным пераходзе ў Мінску
На пр. Пушкіна Hyundai збіў на пешаходным пераходзе 14-гадовую дзяўчынку на электрасамакаце, паведамілі ў ДАІ Мінска.
Здарэнне адбылося раніцай 16 мая. Паводле папярэдняй інфармацыі, кіроўца легкавушкі ехаў па пр. Пушкіна з боку вул. Матусевіча, збіў 14-гадовую дзяўчыну, якая на электрасамакаце перасякала дарогу на рэгуляваным пешаходным пераходзе на чырвоны сігнал.
У выніку падлетак атрымала цялесныя пашкоджанні і была дастаўлена ў бальніцу для агляду.
Па гэтым факце праводзіцца праверка.