Перасталі выходзіць на сувязь яшчэ чатыры супрацоўнікі Tut.by, у тым ліку блогер Максім Пушкін
Прыкладна з 11.30 перасталі выходзіць на сувязь трое супрацоўнікаў Tut.by — журналіст аддзела 42 Дзяніс Буркоўскі і рэдактары аддзела SMM Аля Буркоўская і Максім Пушкін.
Фота са старонкі Максіма Пушкіна «УКантакце»
Каля дома Буркоўскіх стаіць шэры бус, у якім заўважылі чалавека ў балаклаве, паведамляе Tut.by.
Сёння таксама была затрыманая супрацоўніца раздзела «Лэдзі. Tut.by» Анастасія Пруднікава — пра гэта паведаміў яе муж.
Ён распавёў, што да іх дадому каля 12 дня прыйшлі супрацоўнікі ДФР, правялі ператрус і звезлі Насцю. Паводле яго слоў, яны патлумачылі, што следчыя дзеянні праводзяцца ў рамках справы «Tut.by».
Дапоўнена: Супрацоўнік TUT.BY Максім Пушкін выйшаў з ДФР. Пра гэта паведамілі яго блізкія.
Ён перадаў, што знаходзіцца пад падпіскай аб неразгалашэнні. У яго канфіскавалі тэхніку. Зараз ён на свабодзе.