З'явілася расшыфроўка перамоваў дыспетчара і пілотаў Ryanair
На сайце Дэпартамента па авіяцыі РБ апублікавалі стэнаграму перамоў беларускага дыспетчара і пілота «Раянэйра».
Гэтая стэнаграма абвяргае ранейшыя публікацыі беларускіх дзяржаўных СМІ. У прыватнасці, тэлеканал АНТ словы дыспетчара прыпісаў пілоту і наадварот. Вось скрыншоты.
У адпаведнасці са стэнаграмай Дэпартамента па авіяцыі, гэта не пілоты прасілі пра пасадку, як паведамілі беларускія дзяржаўныя СМІ, а дыспетчар паведаміў ашаломленаму пілоту пра інфармацыю аб магчымай бомбе на борце і даў загад кіравацца ў аэрапорт Мінска.