Былы мэр Віцебска, сыноў якога затрымлівалі пасля пратэстаў, стаў дырэктарам хімчысткі
Былы старшыня Віцебскага гарвыканкама Вадзім Заранкін займае пасаду дырэктара хімчысткі — ААТ «Аб'яднанне «Лотас», паведамляюць «Народныя навіны Віцебска».
Народныя навіны Віцебска
На гэтай пасадзе ён змяніў 73-гадовага Юрыя Галыкіна, які кіраваў аб'яднаннем яшчэ з 2000 года.
Мяркуючы па запісах у рэестры, Вадзім Заранкін быў прызначаны на новую пасаду 1 красавіка, г.зн. праз два месяцы пасля сыходу з пасады мэра.
Вадзім Заранкін кіраваў Віцебскам роўна год. Пасля яго сыходу крэсла мэра заставалася вакантным чатыры з паловай месяцы, нядаўна старшынёй Віцебскага гарвыканкама прызначылі Мікалая Арлова.
У Заранкіна двое сыноў: Вадзімір і Філіп. Абодвух затрымлівалі ў Мінску пасля выбараў, Філіпа — у верасні, Вадзіміра — у кастрычніку. Абодвух суд пакараў арыштам, хоць яны казалі, што ў пратэстах не ўдзельнічалі.