На суботу абвешчаны аранжавы ўзровень: абяцаюць навальніцы і залевы
Белгідрамет паведамляе, што ў суботу на большай частцы тэрыторыі чакаюцца навальніцы, пры навальніцах у асобных раёнах моцныя залевы, шквалістае ўзмацненне ветру да 15-20 м/с, днём месцамі град.
Удзень максімальная тэмпература паветра па ўсходзе складзе +30…+34°С, у асобных раёнах +35…+36°С.
У Мінску чакаецца навальніца са шквалістым узмацненнем ветру да 15—20 м/с, ноччу і раніцай пры навальніцы ў асобных раёнах горада — моцныя залевы.
Паводле папярэдняга прагнозу ў Мінску ў суботу чакаецца да +28°С. У нядзелю таксама дажджы і залевы, і да +26°С.