«Інтэрнэт памятае ўсё». Лукашэнка перасцярог моладзь ад неасцярожных меркаванняў
Аляксандр Лукашэнка заклікаў моладзь быць асцярожнымі ў меркаваннях, каб потым не саромецца сваіх выказванняў і рэпостаў. Пра гэта палітык заявіў сёння на балі выпускнікоў устаноў вышэйшай адукацыі, піша БелТА.
«У цяжкія для краіны перыяды будзьце асцярожныя ў меркаваннях, тым больш ва ўчынках. Чаму? А каб праз гады не было сорамна за выказванні і рэпосты, пра якія вы і самі потым забудзецеся, а інтэрнэт будзе памятаць усё. І не паспееце ўсё сцерці, як некаторыя зараз робяць. Таму не спяшайцеся, каб не было балюча і сорамна за бязмэтна пражытыя гады, як казаў класік», — сказаў палітык.