Што за аблава адбылася 2 ліпеня на Брэстчыне?
Праўладныя каналы напісалі аб затрыманні больш як 40 чалавек. Што ім інкрымінуецца, невядома.
«Гэта тыя, хто фатаграфуюцца ў лясах і расклейваюць па гарадах лістоўкі», — гаварылася ў паведамленні.
На здымках, нібыта зробленых падчас ператрусаў (або «аглядаў», калі справа абмяжуецца адміністратыўным пакараннем) можна ўбачыць шмат бел-чырвона-белых сцягоў і плакатаў, з якімі людзі фатаграфаваліся на вуліцах.
Праваабаронцы паведамлялі пра затрыманне як мінімум 20 чалавек — у Брэсце, Пружанах, Кобрыне.
Берасцейшчына была адным з цэнтраў пратэсту ад пачатку. Колькасць палітвязняў тут найбольшая пасля Мінска.