Сярод удзельнікаў дэманстрацыі за свабоду Беларусі ў Стакгольме заўважылі Грэту Тунберг
8 жніўня ў Стакгольме прайшла маштабная маніфестацыя ў падтрымку народа Беларусі.
Салідарнасць з Беларуссю выказалі міністр замежных справаў Ан Ліндэ, міністр культуры Аманда Лінд, палітыкі ўсіх партый Швецыі, грамадскія дзеячы, пісьменнікі, журналісты, прафсаюзныя актывісты, праваабаронцы, прадстаўнікі беларускай дыяспары і «народнага пасольства» Беларусі ў Стакгольме, паведамляе Радыё Свабода.