Пасля 15 сутак арышту выйшлі на волю сябры гурта Irdorath
Пасля 15 дзён арышту на волю выйшлі знаёмыя гурта Irdorath: Міхась Аракчэеў, Марыя Падаляк, Яўген Срэценскі, Аляксандр Сінкевіч, а таксама бубнач гурта Аляксей Палаўчэня.
Пра гэта паведамляе Беларуская рада культуры.
Пяцёра музыкаў застаюцца за кратамі. Гэта Пятро і Юлія Марчанкі, Надзея і Уладзімір Калачы, Антон Шніп. У дачыненні да іх была заведзена крымінальная справа па арт. 342, яны гралі на акцыях пратэсту.
Удзельнікі і сябры гурта былі затрыманыя 2 жніўня 2021 года на лецішчы пад Мінскам падчас святкавання дня народзінаў разам з іншымі музыкамі і гасцямі свята.