Новага прэзідэнта Эстоніі абралі з другой спробы. Гэта былы дырэктар Нацыянальнага музея
Прэзідэнта гэтай краіны абірае парламент (Рыйгікогу). Алара Карыса вылучылі на безальтэрнатыўнай аснове, але ўчора ён набраў толькі 63 галасы пры патрэбных 68 (у парламенце — 101 чалавек).
Алар Карыс, фота Рагнара Петса
Сёння былі праведзеныя паўторныя выбары. За Карыса прагаласавалі 72 чалавекі.
Карыс — пяты прэзідэнт з 1992 года. Прзідэнтамі былі Ленарт Мэры, Арнольд Руйтэль, Томас Хенрык Ільвес і Керсці Кальюлайд.
Эстонія — парламенцкая рэспубліка, і правы прэзідэнта там абмежаваныя. Кіраўнік выканаўчай улады там кіраўнік урада. Пасаду прэм'ера ў Эстоніі займае жанчына, Кая Калас.