МУС абвяргае інфармацыю пра беларуса, што нібыта быў 14 гадоў у рабстве
4 верасня ў СМІ з'явіліся звесткі аб вызваленні з 14-гадовага рабства ў Расіі ўраджэнца Гомельшчыны Андрэя Купрэенкі. МУС Беларусі паведамляе, што інфармацыя непраўдзівая.
МУС сцвярджае, што ў 2007 годзе мужчыну абвясцілі ў вышук. У 2018 годзе ён трапіў у поле зроку паліцэйскіх Кабардзіна-Балкарыі, тады ж падаў заяву аб спыненні вышуку. Ён паведаміў, што супраць яго законы не парушаліся.
Крымінальную справу па факце знікнення следчыя тады спынілі.
У 2019 годзе Андрэй Купрэенка знаходзіўся ў Беларусі і атрымаў новы пашпарт у сувязі са стратай старога.