Чэхія выдзеліць Літве паўмільёна еўра на ахову мяжы з Беларуссю
У аўторак у Вільні прадстаўнікі ўрадаў Літвы і Чэхіі падпісалі мемарандум аб дапамозе больш чым на паўмільёна еўра для барацьбы з нелегальнай міграцыяй, у прыватнасці на ахову мяжы з Беларуссю.
Reuters.com
Фінансавая дапамога ў памеры 13,5 млн чэшскіх крон (каля 530 тыс. еўра) выдзяляецца для аховы літоўска-беларускай мяжы, для ўмацавання магутнасцяў у вырашэнні пытанняў прытулку і іншых міграцыйных пытанняў.
Дакумент падпісалі міністр унутраных спраў Літвы Агне Білатайце і міністр замежных спраў Чэхіі Якуб Кулханэк.