Джыл Байдэн стане першай жонкай прэзідэнта ЗША, якая будзе працаваць не ў Белым доме
Першая лэдзі ЗША Джыл Байдэн вернецца на працу ў каледж у Паўночнай Вірджыніі. Яна працуе там выкладчыкам, піша The Associated Press.
Жонка Байдэна будзе выкладаць ў каледжы двойчы на тыдзень — у аўторак і ў чацвер. Яна чытае курс напісання акадэмічных эсэ.
Джыл Байдэн стане першай жонкай прэзідэнта ЗША, якая будзе працаваць не ў Белым доме.
Звычайна першыя лэдзі ЗША не працуюць пасля абрання іх мужоў прэзідэнтамі. Яны жывуць у Белым доме, займаюцца рознымі сацыяльнымі праектамі, выхоўваюць дзяцей. Таксама часам яны становяцца адмысловымі пасланцамі свайго мужа ў розных пытаннях.