У бальніцы хуткай дапамогі загарэўся блок падачы кіслароду
Сёння каля 5:00 загарэўся камутацыйны блок падачы кіслароду ў аднапавярховым будынку кіслароднай станцыі на тэрыторыі бальніцы хуткай медыцынскай дапамогі, што па вуліцы Кіжаватава.
Узгаранне ліквідавана супрацоўнікамі МНС. Пацярпелых няма, паведамляе канал «Мінск. Афіцыйна».
Пажарам пашкоджана запорная арматура. Падача кіслароду ў аддзяленні бальніцы была пераключаная на рэзервовую сістэму. Прычына пажару высвятляецца.
Цяпер, паводле афіцыйнага паведамлення, сістэма медыцынскага газазабеспячэння ў бальніцы функцыянуе ў штатным рэжыме.