У Лідзе васьмігадовы хлопчык з’еў селядзец і трапіў у рэанімацыю
Пра гэта паведамілі ў эфіры тэлеканала «Беларусь-4».
Дзіця з'ела марынаваны ў хатніх умовах селядзец. З батулізмам хлопчыка шпіталізавалі ў рэанімацыю Гродзенскай дзіцячай бальніцы. Амаль чатыры тыдні ён знаходзіўся на лячэнні (з іх тыдзень — у рэанімацыі), яму давялося ўводзіць спецыяльную сыроватку супраць батулізму.
Цяпер ягонаму жыццю нічога не пагражае.