Афіцыйныя лічбы па каранавірусе: 18 смерцяў — гэта паўтор рэкорду
Міністэрства аховы здароўя паведаміла, што за суткі зарэгістравана 1993 новыя выпадкі. Пры гэтым за суткі колькасць памерлых па афіцыйных даных дасягнула 18 выпадкаў. Столькі выпадкаў Міністэрства аховы здароўя фіксавала 31 кастрычніка.
Па даных Міністэрства, усяго з пачатку пандэміі зарэгістравана 612 тысяч захварэлых на COVID-19. Выпісаныя 587 тысяч пацыентаў.
За ўвесь час памерлі 4,73 тысячы чалавек, усяго ў краіне праведзена 9,814 мільёна тэстаў. За мінулыя суткі — 32 тысячы тэстаў.