У Беларусі абвясцілі аранжавы ўзровень небяспекі праз моцны вецер
Аранжавы ўзровень небяспекі абвясцілі ў Беларусі 8 лістапада: раніцай і днём у многіх раёнах краіны чакаецца ўзмацненне ветру парывамі да 15-18 м/с.
У панядзелак будзе воблачна з праясненнямі. На большай частцы тэрыторыі краіны пройдуць дажджы, днём па паўночнай палове — з мокрым снегам. Вецер прагназуецца паўднёва-заходні, днём з пераходам на паўночна-заходні парывісты, раніцай і днём у многіх раёнах моцны парывісты.
Тэмпература паветра на працягу сутак складзе 3-8 градусаў вышэй за нуль, днём па поўдні — да 10 градусаў цяпла.