Пяць дзён не выходзіць на сувязь сацыял-дэмакрат Ігар Леднік
Ужо пяць дзён не выходзіць на сувязь намеснік старшыні Барысаўскай гарадской арганізацыі БСДП Ігар Леднік.
18 лістапада ён напісаў, што яго хочуць прыцягнуць да адказнасці за допіс у «Фэйсбуку» з закрэсленымі выявамі фашысцкай і савецкай сімволік.
З 19 лістапада сувязі з ім няма, у кватэры, дзе ён пражывае, Ігар таксама не з'яўляўся, напісаў у «Фэйсбуку» старшыня Беларускай сацыял-дэмакратычнай партыі Ігар Барысаў.